Во име на продлабочување на веќе добрата соработка на СофтНЕТ со Словенечко-Македонскиот Бизнис клуб , како и со цел за промоција на услугите пред словенечкото и македонското стопанство, СофтНЕТ го подржа Словенечко-македонскиот бизнис клуб од Скопје, кој го продолжи своето roadshow и оваа година низ градовите во нашата држава.

Овој пат, тие застанаа во сончевата Гевгелија и одржаа свој Бизнис ден на кој се претставија пред граѓаните и стопанствениците од таа општина и регионот, со своите производи, услуги и тендеции за проширување на своите бизниси и партнерства.

Во центарот на Гевгелија, на 3 јуни, Бизнис клубот имаше саемски ден, каде своја промоција имаа компаниите-членови.
Изложувачите беа посетени и од Градоначалникот на општина Гевгелија, г-нот Иван Франгов, како и од економскиот советник во Амбасадата на Р. Словенија во Р. Македонија, г-нот Јернеј Товшак.

Во вечерните часови, промоцијата продолжи во хотел Нар, пред околу 100 присутни гости-стопанственици, каде се претставија и Клубот и Општината.

На промоцијата поздравен говор за подршка изрази и Амбасадорот на Р Словенија во Р. Македонија, г-нот Брајан Бергант.

Присутните имаа можност да видат и да се запознаат поблиску со нивните проекти и стратегии.

Настанот беше поддржан и од Јавната агенција на Р. Словенија за претприемништво и странски инвестиции и Министерството за стопанство на Р. Словенија.